O Gloriosa Virginum
(1)
O Gloriosa Virginum,
Sublimis inter sidera,
Qui te creavit parvulum
Lactente nutris ubere.
(2)
Quod Heva tristis abstulit,
Tu reddis almo germine:
Intrent ut aster flebiles,
Coeli recludis cardines.
(3)
Tu regis alti janua,
Et aula lucis fulgida:
Vitam datam per Virginem
Gentes redemtae plaudite.
(4)
Jesu tibi sit gloria
Qui natus es de Virgine
Cum Patre et almo Spiritu,
In sempiterna saecula.
Amen.